ALI AL-QORIYNING QIROAT VA TAJVID ILMLARI RIVOJIGA QO‘SHGAN HISSASI
Keywords:
Mulla Ali al-Qoriy, qiroat ilmi, tajvid ilmi, Qur’on ilmlari, Imom Shotibiy, Imom Jazariy, sharhlar, rasmul xat, shozz qiroatlar, islom ilmiy merosi.Abstract
Ushbu maqolada islom olamining yirik allomalaridan biri Mulla Ali al-Qoriyning qiroat va tajvid ilmlari rivojiga qo‘shgan ilmiy hissasi tadqiq etiladi. Unda allomaning hayoti, ilmiy faoliyati, ustoz-shogirdlik silsilasi hamda qiroat sohasidagi ilmiy merosi haqida ma’lumot beriladi. Xususan, uning Imom Shotibiyning “Hirz al-amoniy” va “Aqilat atroob al-maqosid”, shuningdek, Imom Jazariyning “al-Muqaddimat al-Jazariya” asarlariga yozgan sharhlari tahlil qilinadi. Maqolada Ali al-Qoriyning qiroatlar, rasmul xat, tajvid qoidalari va shozz qiroatlarga oid qarashlari yoritilib, uning asarlari asrlar davomida qiroat ilmi ta’limida muhim manba sifatida xizmat qilgani ko‘rsatib beriladi. Shuningdek, alloma merosining bugungi kundagi ilmiy ahamiyati va zamonaviy tadqiqotlardagi o‘rni ochib beriladi.
