MAKTABGACHA YOSHDAGI BOLALARDA XAVOTIRLANISH HOLATINING PSIXOLOGIK-PEDAGOGIK DIAGNOSTIKASI VA KORREKSION MEXANIZMLARI
Keywords:
xavotirlanish, maktabgacha yosh, psixologik diagnostika, korreksiya, emotsional rivojlanish, psixologik yordam.Abstract
Mazkur maqolada maktabgacha yoshdagi bolalarda uchraydigan xavotirlanish holatining psixologik-pedagogik xususiyatlari, uni keltirib chiqaruvchi omillar, diagnostika usullari hamda korreksion mexanizmlari tahlil qilingan. Tadqiqotning maqsadi maktabgacha yoshdagi bolalarda xavotirlanish holatini aniqlash va uni bartaraf etishning samarali pedagogik hamda psixologik yondashuvlarini o‘rganishdan iborat. Tadqiqot davomida ilmiy adabiyotlarni tahlil qilish, kuzatish, suhbat va taqqoslash metodlaridan foydalanildi. Natijalar bolalardagi xavotirlanishning shakllanishida oilaviy muhit, tarbiya usullari, tengdoshlar bilan munosabatlar hamda individual psixologik xususiyatlar muhim rol o‘ynashini ko‘rsatdi. Shuningdek, xavotirlanishni erta aniqlash va kompleks korreksion ishlarni tashkil etish bolaning emotsional barqarorligi hamda ijtimoiy moslashuvini yaxshilashga xizmat qilishi aniqlandi. Xulosa sifatida maktabgacha ta’lim tashkilotlarida psixologik monitoring tizimini takomillashtirish va korreksion dasturlarni keng qo‘llash zarurligi asoslandi.
